Starfsfólk

Dagbjört er með kennara-, djákna- og faghandleiðslumenntun frá Háskóla Íslands ásamt fullt CPE-framhaldsnám í sálgæslufræðum frá Tampa General Hospital í Tampa, Florida í Bandaríkjunum. Síðustu árin hefur Dabjört sinnt sálgæslu, stuðningi við starfsfólk og handleiðslu á barna- og kvennasviði Landspítala.

Hún hefur undanfarin ár einnig kennt við námsbraut í sálgæslufræðum á meistarastigi við Endurmenntun Háskóla Íslands, sinnt stundakennslu í sálgæslu við Læknadeild Háskóla Íslands og veitt handleiðslu nemum í handleiðslufræðum við Félagsvísindadeild Háskóla Íslands. Dagbjört hefur sinnt ýmiss konar stuðningi við syrgjendur og unnið að málefnum syrgjenda, m.a. hjá Sorgarmiðstöð Íslands og Styrktarfélagi krabbameinssjúkra barna.

Fyrirspurnir og beiðnir um viðtöl við Dagbjörtu má senda á netfangið dagbjort@skb.is

Gréta hefur starfað hjá SKB frá 2012 en verið félagsmaður frá 2007. Hún var forstöðumaður innra starfs og stefnumótunar hjá Sjálfstæðisflokknum 2009-2012, aðstoðarmaður forsætisráðherra 2007-2009, framkvæmdastjóri þingflokks Sjálfstæðisflokksins 1999-2007, útgáfustjóri námskrár í menntamálaráðuneytinu 1998-1999 og blaðamaður á Morgunblaðinu 1985-1998. Hún er með BA-próf í þýsku frá HÍ og mastersnám í hagnýtum hagvísindum frá Háskólanum á Bifröst.