Næstu göngur í tindaverkefninu Saman klífum brattann verða farnar á uppstigningardag, 9. maí, á Ennið við Ólafsvík, Drápuhlíðarfjall við Stykkishólm og síðan Helgafell. Safnast verður saman við íþróttahúsið í Ólafsvík kl. 10 og gengið þaðan á Ennið. Leiðsögumaður af heimaslóð verður með í för, auk Þorsteins Jakobssonar. Gangan tekur um 2 klukkustundir.

Sama dag verður gengið á Drápuhlíðarfjall við Stykkishólm undir forystu Hönnu Jónsdóttur og á Helgafellið strax á eftir. Safnast verður saman við bensínstöðina í Stykkishólmi kl. 14.30 og fólk hvatt til að taka með sér nesti og góða skapið. Gangan á Drápuhlíðarfjall tekur 2-3 klukkustundir og rúma eina klukkustund á Helgafellið.  

Öllum er heimil þátttaka í göngunum þeim að kostnaðarlausu en þátttakendum sem og öðrum bent á að hægt er að styðja verkefnið með frjálsum framlögum inn á reikning SKB - 0301 - 26 - 3366, kt. 630591-1129.